ԴՈՒ ԷԼ
….ԴՈՒ ՉԵՍ /2012թ. 30հունիսի/
Վերևում
կուտակված անձրևով լի ամպերը մթագնած
հայացքով էին տեսնում ներքևում ապրողներիս:Օրվա
մռայլ տրամադրությունը չէր դադարում իմը լինելուց: Որոտը ցնցեց ինձ էլ:
-Մի
վախենա,քեզ չի հասնի,-շշնջաց մեկն իմ ներսում:Վախենալով մնացի պատուհանին կպած.
-Թող
ինչ լինում է լինի,պիտի տեսնեմ ամպրոպի պորտալարը:
Երկնքի
կուրծքն ասես այրվեց:Անձրևի մի քանի խոշոր կաթիլ
արցունքի նման ակոսեց պատուհանիս ապակին... ու վերջ:Վերջ,սա աշխարհի վերջը
չէ,և ոչ մի վերջ էլ վերջը չէ.Հուսադրող է,որ քեզանից հետո աշխարհն ապրում է,որ քեզ
անհիշության չի մատնի:Ուզում ես քեզ գեղեցիկ հիշեն,վերջին պահին մոռանում ես այդ
մասին,ամեն ինչի մասին,ամենքի մասին:Ամպերով ու թաքնված արևով երկնքից մի կում օդ ես աղերսում,քեզ այնքան
հարազատ ու այլևս օտար աշխարհից մի պահ շունչդ
պահում ես ու վերջ:Հետո էլի լավ է լինում-հոգին ապրում է:Դու էլ քո
դրախտում գտնում ես քեզանից առաջ գտնվողներին:Դու էլ…Դու չես լինում:
Լավ է,
նորից լինել անհոգ մանկան անմեղությամբ:Հավատալ,որ ամեն մի վերջ սկիզբ է նորի,որ
չապրած օրերդ քոնն են լինելու:Լավ է,որ վախերին չհավատալով ես ապրում,թեպետ կյանքը
լի է ախերով ու վախերով,թեպետ օրերի
խեղճությունից տխուր ես լինում:
Լավ
է,որ ապրեցիր ինքդ քեզ նման:Սգացիր հարազատ ու մտերիմ մարդկանց օտար մահերը, դու էլ
օտար մնալով մահին:
Ով ասաց, որ մահվան մասին խոսելուց`կանչում են նրան:Դու խոսեցիր բանաստեղծորեն`չհավատալով վախին:Գուցե սա էլ էր հաղթանակի բերկրանք:
Ով ասաց, որ մահվան մասին խոսելուց`կանչում են նրան:Դու խոսեցիր բանաստեղծորեն`չհավատալով վախին:Գուցե սա էլ էր հաղթանակի բերկրանք:
Ուրեմն`
գնում ես, գնում ես հաղթանակած:
Օրվա
աչքը դեռ լրիվ չպարզած` տեղ-տեղ համոզիչ կապույտ է երևում:Վաղը երևի
երկինքն արևոտ կլինի: